😎A III Travesía do Lérez-Cidade de Pontevedra celebrarase o vindeiro 26 de xullo

Pontevedra volverá a converterse nun referente da natación en augas abertas 🏊‍♂️coa celebración da III Travesía do Lérez-Cidade de Pontevedra, que terá lugar o 26 de xullo no fermoso contorno da praia fluvial de Monte Porreiro.

Nesta edición, un ano mais, a proba estará incluída no Circuíto Galego de Augas Abertas e, ademais, será a 12ª etapa da Copa de España de Augas Abertas, o que lle outorga unha gran relevancia tanto a nivel autonómico como estatal.

A competición contará con diferentes distancias adaptadas ás idades e categorías dos participantes:

• 5000 metros para deportistas federados/as, nados/as no 2011 ou antes, nas categorías Infantil, Júnior, Élite e Máster.
• 2500 metros, aberta tanto a federados/as como a non federados/as, para persoas nadas no 2007 ou antes.
• 1250 metros, para nados/as no 2013 ou antes.
• 200 metros, para nados/as entre 2014 e 2015.
• 100 metros, destinada aos máis pequenos/as, nados/as entre 2016 e 2021.

Alén do aspecto deportivo, o evento converterase nunha auténtica festa para a cidade, cunha chuvia de premios🥇🥈🥉 e agasallos 🎁para os participantes e un ambiente inmellorable nun dos mellores espazos naturais de Pontevedra.

Unha cita obrigada para os amantes da natación e para todas aquelas persoas que queiran gozar do deporte ao aire libre en familia e en contacto coa natureza.

🏊‍♂️ Inscricións 👉 https://ccnorte.com/evento/detalle/dp/4/id/2950/iii-travesia-do-lerez-cidade-de-pontevedra