Os nadadores do Club Natación Galaico marcan unha Fin de semana Deportiva de Alto Nivel nas Augas Abertas.

Durante esta emocionante fin de semana deportiva, a comunidade de nadadores e afeccionados á natación en augas abertas reuniuse en tres escenarios diferentes para participar en tres destacados eventos que demostraron a paixón, a dedicación e a destreza dos nadadores. Desde a XXI Travesía a nado dá Ría de Vigo pasando pola XXXIX Travesía a nado do Porto de Vilagarcía e ata o desafiante LXV Descenso a nado da Ría de Navia.

O primeiro evento, a XXI Travesía a nado dá Ría de Vigo, levouse a cabo o pasado sábado 5 de agosto. A categoría alevín (1200 m) presenciou unha actuación impresionante dos novos talentos André Rendo e Bárbara Quintana, que foron quen de capturar o segundo posto masculino e feminino respectivamente. Na categoría Máster/Popular (3700 m) contamos coa participación do incansable Manuel Cruces pero Ramón Vázquez, outro clásico das augas abertas, foi quen de acadar o primeiro posto na súa categoría, terceiro na xeral; pero sen dúbida na categoría Elite (3700 m) foi onde a nadadora Ana Pérez distinguiuse, obtendo o primeiro posto cunha actuación asombrosa.

O domingo 6 de agosto, a emoción continuou coa XXXIX Travesía a nado do Porto de Vilagarcía. No percorrido de 2500 m, a nadadora Ana Pérez reafirmou o seu dominio ao asegurar o primeiro posto na categoría absoluta, seguida de preto por Andre Ortego no posto once. Na categoría Máster e nas súas respectivas categorías de idade, Javier Iribarnegaray demostrou a súa habilidade ao obter un segundo posto, mentres que Juan Jose Bernardez, Sergio Bethencourt, Roxelio Carballa e Daniel García destacáronse cos postos quinto para Bernardez e Bethencourt e once e quince para Carballa e García respectivamente. No percorrido de 1200 m Antía Ortego e Asensio Alonso obtiveron o segundo e cuarto posto nas súas respectivas categorías mentres que as máis novas promesas da natación en augas abertas Carmen Castro e Lucia González conquistaron o primeiro e segundo posto no percorrido de 250 m.

A culminación da fin de semana chegou o domingo 6 de agosto en sesión de tarde co LXV Descenso a nado da Ría de Navia, unha proba estrela na que oito valentes nadadores do Club Natación Galaico participaron en tres desafiantes percorridos, 5000 metros, 2400 m e 1200 m. No percorrido masculino de 5000 m, Cristian Fernández, a pesar de que chegaba nun baixo estado de forma por unha recente lesión, obtivo o segundo posto (Máster 30+), seguido por Jacobo Ucha no posto cuarto (Máster 25+) e Alejandro Álvarez e Pablo Martín nos postos 10 (Junior 2) e 11 (Junior 2) respectivamente. No percorrido feminino de 5000 metros, Covadonga González demostrou a súa destreza ao obter o sétimo posto (Máster 30+). Ademais, no percorrido de 2400 metros masculino, Olivier Rocha e Adrián Mendez-Benegassi destacáronse cos postos 1 e 3, respectivamente, mentres que no percorrido de 1100 metros feminino, Alba Castro alzouse co primeiro posto na súa categoría.

Felicidades a tod@s, FORZA GALAICO!