Por encima das actuacións individuais, hai que destacar a gran participación e, sobre todo, o gran nivel que amosaron os participantes no nado de costas, tanto no que se refire a marcas acadadas como, sobre todo, a boa técnica da maioría, que pon de manifesto un gran avance neste senso con relación ó nivel que podíamos ver en anos pasados.

Comenzando polos nenos nacidos en 2002, o vencedor foi Manuel García, que xa se impuxera tamén na primeira xornada no estilo de crol e que, por tanto, marcha destacado na clasificación xeral con 30 puntos. Dous nadadores marchan moi igualados na segunda e terceira posición, con 22 e 21 puntos, respectivamente: David Gómez e Santiago Brea, mentras que tres nadadores seguen a éstes moi igualados nos postos 4-5-6, a saber, Manuel Rodríguez, Alexandre Aboal e Saúl Bouzas.

En canto ás nenas nacidas en 2002, tamén atopamos unha destacada nadadora, que se impuxo nas dúas xornadas disputadas, Arsú López, que apunta moi boas condicións especialmente no nado de costas e que encabeza a clasificación con 30 puntos. Na segunda posición aparece unha representante do Natación Pontevedra, Henar Cons, con outras dúas nadadoras do Galaico-Sercoysa moi igualadas nos postos 3-4, Raquel Couso e María Arias. Gran actuación asimesmo da debutante Gabriela Torres, que se sitúa no posto quinto.

Polo que respecta ós nadadores mais pequenos (nacidos no ano 2003 e posteriores), asistimos a unha bonita loita polo primeiro posto entre Sergio Rodríguez, vencedor na primeira xornada, e Adrián Torres, que gañou na segunda xornada, empatados, por tanto a puntos na clasificación xeral, con Jorge Fernández no terceiro posto i o debutante Iago Sánchez na cuarta praza.

Rematamos cas nadadoras mais pequenas, nas que comanda a clasificación Irene Esteban, seguida de Andrea Bemposta e Alexandra Piñeiro. Pero hai que destacar o cuarto posto de Lara González, que non participou na primeira xornada, pero foi a vencedora da segunda xornada, con unha excelente marca na proba de 25 costas.