Durante este fin de semana un total de 93 xogadores disputaron na nosa cidade o Campionato de España de Squash en categorías Sub. 13 e Sub. 17 masculina e feminina, a organización do evento correu a cargo do Club Squash Galaico. O campionato que comezou a disputarse o venres 27 nas instalacións do Complexo Deportivo Rías do Sur cos cadros de previas contou co patrocinio do IMD de Pontevedra, o sábado disputáronse os cuartos e a semifinais, para concluír o domingo a loita polo terceiro e cuarto posto e as finais de ambas as categorías.En categoría Sub 13 Feminina a campioa foi a pontevedresa Iria Rodríguez (Squash Galaico) que venceu nas instalacións do seu club por 3 set a 0 á murciana Cristina Gómez. A terceira posición foi para Laura Valencia (Squash Club Santiago) , que gañou 3-2 á canaria Ksenia Pauliouchenkova. En categoría Sub 13 Masculina proclamábase campión o catalán Edmon López ,que venceu ao seu compatriota, Iker Pajares por 3 set a 2. O bronce foi para o pontevedrés Igor Vilariño (Squash Galaico) que venceu 3 set a 1 a Daniel Zunzunegui do Club Palencia Squash. Na Categoría Sub 17 feminina, volveuse a vivir unha final pontevedresa entre Ana Arousa e Sara Esperón (Campioa e Subcampioa, respectivamente) xogaron a final diante do seu público e con moitos nervios de ambas, a final sería para Ana Arousa que vencería a Sara por 3 set a 1. A 3ª posición foi para Mariña de Juan (Valencia), que gañou á catalá Anna Bernabeu 3 set a 1.O sub. 17 masculino destacamos ao Campión, tamén galego, Hugo Varela (Vigo Squash) que trás un campionato cómodo, no que realizo un gran xogo, impúxose na final por 3 set a 0 a Sebastián Munar (Baleares). O 3º posto foi para o palentino Aitor Zunzunegui ,que venceu 3 set a 0 ao catalán Eric Zabalbeascoa , o pontevedrés Sergio Fernández tivo que conformarse coa sexta praza tras caer en cuartos co Balear.

.........................Aquí atoparás imaxes do Campionato...Ver imaxes......

..........................................Resultados...Ver.....